Benam Rishta

Benam – Socho agar apka koi naam na ho to log apko kaise bulayenge ?

Soch kar hi dar lagta hai na ?

Benaam …..

Phir kyu nahi milti benam rishto ko pehchaan ?

Is dyniya me hum bahut se rishto se ghire hote hai, kuch rishte hume janam lete hi mil jate hai aur kuch hum time ke sath sath banate hai lekin kya hum har rishte ko nam de pate hai ?

Aur agar nam nahi de pate to kya wo rishta hai ?

Kyu nahi de pate hum un rishto ko naam ?

Shayad dar society ka family ka ya phir career ka….

Aise bahut reasons ho sakte hai un benam rishto k piche.

Nam nahi hua to kya hua kuch rishte benam jarur hote hai lekin unki importance shayad un naami rishto se jayda hoti hai jo kabhi khatam nahi ho pati.

In benam rishto ki ek khasiyat hoti hai ki ye sidhe dil se hote hai .

Is blog ke jariye me aise hi ek benam rishte ki story share karna chahti hu .

Story  – Ye story meri friend sapna aur ek anjani ladki ki hai

Kuch dino pehle meri baat sapna se hui jisne mujhe apne sath hua ek incident k baare me bataya .

Sapna ne kaha..

Me market me shopping kar rahi thi to mujhe bench pe ek ladki bethi dikhi uske hath me bahut sundar ek box tha , aisa lag raha tha jaise koi gift ho.

Usne us box ko aise pakad rakha tha jaise ki hug kar rahi ho kisi apne ko. Aur baar baar rote hue kiss kar rahi thi us box ko.

Mene kuch der dekha lekin phir me shopping me busy hogyi aur bhul gayi lekin shayad god chahta tha ki me usse baat karu isliye to karib 3 ghante baad jab me thak gayi shopping karke to usi bench pe beth gayi jahan par wo ladki same position me bethi dikhi mujhe. Farak sirf itna tha ki is baar box open tha aur wo box nahi ek card the , bahut hi sundar lag raha tha door se.

Wo shayad kuch thik kar rahi thi us card me. Me pehli baar real life me aisa sundar aur payara gift dekh rahi thi. Me usse baat karke puchna chahti thi ki kahan se lia taki me bhi le saku apne love partner k liye..

Mene himmat juta k baat kar li usse.

Sapna – Hello, Kya naam hai apka ?

Unknown Girl – Anjanisi118

Sapna –Ye kaisa naam hai.. Waise bahut pyara gift hai .. Kahan se lia ? Mene apko kuch ghante pehle bhi dekha tha yahan pe , kisi ka wait kar rahi ho ?

Anjanisi118 – Silence.

Sapna : Kitne ka hai gift , mujhe bhi lena hai mere husband ka birthday ane wala hai aur me uske liye kuch unique sa lena chahti hu aur isse unique nahi dekha mene abhi tak.

Anjanisi118 – Mene banaya hai ye gift .

Sapna : What ? Tum gifts banati ho . Mujhe sikha do please  ya phir mere liye bhi bana do .

Anjanisi118 –2 months lag gaye the is gift ko ready karne me.

Sapna– 2 months ? koi khas hoga jiske liye itni mehnat kar rahi ho. Birthday hai ? Kaun hai ?

Anjanisi118 – humari anniversary pe banaya tha.

Sapna –Anniversary? Married ho ?  Gift kyu nahi kia phir ?

Anjanisi118– Kuch rishto k naam nahi hote , lekin benaam hokar bhi rishta to rishta hi hota hai.

Bus benaami use dard ka rishta bana deti hai.

Sapna– Dukh nahi hota gift banaya aur de bhi nahi payi ? Afsos nahi hota sath na hon ?

Umid nahi hoti pechaan pane ki  is rishto ko ?

Anjanisi118– Dukh nahi dard hota hai uske pass na hone ka,

Afsos nahi ehsas rehtha hai uske sath hone ka,

Umid nahi khawaish hai in kaano ko bus miss u babu sunane ki,

Rishto ko pane ki chah nahi bus use khush dekhne ki dua hai…

Sapna – Bahut pyar karti ho usse. Kya wo bhi tumse pyar karta hai aur agar haan to kyu sath nahi tumhare wo ?

Anjanisi118– Uska to nahi pata lekin uska dil bahut pyar karta hai mujhe is baat ka dawa kar sakti hu.

Saath to har pal hai wo mere bus pass nahi reh sakta..

Kuch log door rehke bhi pass hai aur kuch pass rehke bhi door…

Benaam rishto ki ek khas baat hoti hai dil se bane hote hai wo rishte , dil tut jata hai par rishta nahi …

Sapna –Har saal gift banati ho uske liye.

Anjansi118– Har special day pe. Use bahut pasand tha mera gift dena use , isliye har special day pe uske liye gift leti ya banati hu aur uski pics ko gift karti hu .

Soch leti hu use de diye waise bhi uske reaction pata hote hai mujhe gift k baad  wale to wo reaction khud ko dekar khush ho jati hu.

Sapna – Bahut acha karti ho. Warna aksar log alag hone ke baad sirf ek dusre ki galti nikalke apne pyar ko koste hai.

Anjanisi118–  Tum kiske liye sikhna chahti ho ye gift banana.

Sapna– Mere husband ka birthday ane wala hai usi k liye gift purchase karne ayi thi kuch samjh nahi aya subh se. Mujhe kuch unique chahye bilkul tumhare gift jaisa. Ye card banana bahut complicate lag rha hai waise tumhe bhi to 2 months lag gaye is banana me .

Tum is gift ka kya karne wali ho ?

Anjanisi118 –Jalane wali hu aj ?

Sapna – What ? Pagal ho ? Itni mehnat se banaya jala dogi..

Anjansi118– Gift Size me bada hai  aur family k questions ke answers nahi hai ab mere pass.

Already 6 months se bhi jyada ho gye rakhe hue ise.. Mene is gift ke har part ki video banake rakh li hai memory k liye.

Is gift ko door me bhi nahi karna chahti lekin ab ise sath rakhna bhi possible nahi aur jiske liye hai use dena bhi possible nahi . Kisi aur ko nahi dena chahti me.

Sapna – Dekho.. Tum ye gift mujhe sale kar do , me tumhe iske 5000 dene k liye ready hu, infact isse jyada kaho to wo bhi de dungi.. I love this gift..

Anjanisi118–  Ye gift sirf ek hi ke liye bana hai . Sorry. Waise kya naam hai tumhare husband ka.

Sapna – R….

Anjanisi118– Silence …

Sapna– kya hua

Anjanisi– ……… ( ro rahi thi )

Sapna– Uski eyes me se ansu ane lag gaye. Usne bina kuch kahe bag se paper aur pen nikala aur ek letter likha aur gift ke upar rakhke kaha

Anjanisi118 -Aj se gift tumhara, 5 minute baad ye letter padh lena .

Sapna – Me shocked thi kyunki jab me gift dene ke liye ke rahi thi to usne nahi dia , infact paise me bhi dene se mana kar dia tha aur achanak se de dia..

Me samjh nahi pa rahi thi ki achanka use hua kya jo rote hue chali gayi gift dekar..

Mujhe laga mene kuch galti kardi , itne hi 5 minute pure hue aur mene letter padha.

Letter

Sapna – Is letter ko padhke samjh aya ki benaam rishte me bhi kitne takat hoti hai …


Hello Readers,

Benaam rishta ko pechaan na milne pe akela aur dard bhara ho jata hai….

Kya milegi har rishto ko pehchan ?

Kaise khatam hoga aise benaam rishto ko dard ?

Bahut se aise sawal hai jiske jawab asan nahi lekin mushkil kuch  bhi nahi..

Please apne reviews niche comment box me share kijiye aur agar koi aisa incident ho jo ap share karna chahate ho to jarur kariye..


Note : Ye blog hindi me isliye me hai kyunki dil ki baat samjhne ke liye dil ki langugae honi chahye.  Aur wo emotions english me nahi aa paye jo hindi me hai.

Leave a Reply

4 Comments on "Benam Rishta"

Notify of
avatar
Sort by:   newest | oldest
Abhishek Aggarwal
Guest

And this story remind me of someone . Log rishtey bana lete hain but in rishton ko nibhana nahi jante. Pata nahi kyu dilo ke sath khelte hain log. Me bhi har occasion per kuch na kuch apne is rishtey ke liye jaroor kerta hoo and jisme mujhe pata hai badle main sirf dukh aur dukh ke alawa kuch nahi Milne wala. Itna dukh ho uske baad bhi dil se yeh hi dua nikalti hai ki WO jiske sath bhi rahe , jahan bhi rahe khush rage ..

And nice story sister .

Roli Dixit
Guest

Very nice

wpDiscuz